आता योग्य वेळी होणार कॅन्सरचे निदान, भारतात प्रथमच उपलब्ध होणार ‘ही’ चाचणी

कर्करोगाचं वेळीच निदान करणारी आणि तो कितपत पसरला आहे याची माहिती देणारी ओंको डिस्कवर नावाची रक्तचाचणी पुण्यातील संशोधकांनी तयार केली आहे. लिक्विड बायोप्सी या तंत्रज्ञानावर आधारित असणारी ही चाचणी प्रथमच भारतात उपलब्ध झाली आहे. साधारणतः कर्करोगाची लक्षणे दिसून आल्यानंतर बायोप्सी किंवा अन्य चाचण्यांच्या माध्यमातून निदान केले जाते. परंतु ही लक्षणे दिसून येईपर्यंत अनेकदा हा आजार पसरलेला असतो. यावर मात करण्यासाठी कर्करोगाचं वेळीच निदान करणारी ही चाचणी भारतीय शास्त्रज्ञांनी पुण्यात विकसित केली आहे. या विषयी अधिक माहिती जाणून घेऊया या चाचणीचे संशोधक डॉक्टर जयंत खंदारे यांच्याकडून