Chandrakant Patil -BJP | महाराष्ट्राची धुरा चंद्रकांत पाटलांवर…! प्रदेशाध्यक्षपदी निवड.

महाराष्ट्र भाजपच्या प्रदेशाध्यक्षपदी अखेर आज चंद्रकांत पाटील यांची नियुक्ती करण्यात आली आहे. भाजपचे राष्ट्रीय अध्यक्ष अमित शाह यांनी ही नियुक्ती केली आहे. रावसाहेब दानवे यांनी आपल्या महाराष्ट्र भाजप प्रदेशाध्यक्षपदाचा राजीनामा सुपूर्द केल्यानंतर लगेच चंद्रकांत पाटील यांचे नाव महाराष्ट्र भाजपचे नवे प्रदेशाध्यक्ष म्हणून घोषित करण्यात आले आहे. तर मुंबई भाजपच्या अध्यक्षपदी मंगलप्रभात लोढा यांची नियुक्ती करण्यात आली आहे. पंतप्रधान मोदींच्या नव्या मंत्रिमंडळात रावसाहेब दानवे पाटील यांना ग्राहक संरक्षण राज्यमंत्रीपद देण्यात आल्यानंतर भाजपच्या महाराष्ट्र प्रदेशाध्यक्षपदी कोणाची निवड होणार ? याबाबत राजकीय वर्तुळात अनेक चर्चा रंगू लागल्या होत्या. या चर्चांना आता अखेर पूर्णविराम मिळाला आहे.#ChandrakantPatil #BJP #MaharashtraPresident #RaosahebDanve