मुंबई | माजी पंतप्रधान मनमोहन सिंग यांच्या राजकीय जीवनावर आधारित ‘द अ‍ॅक्सिडेंटल प्राईम मिनिस्टर’ या चित्रपटावरून राजकारण चांगलेच तापले आहे. या चित्रपटात मनमोहन सिंग यांची भूमिका साकारणारे अभिनेता अनुपम खेर यांनी आता या संपूर्ण वादावर भाष्य केले आहे. “खरंतर हा चित्रपट ऑस्करला जायला हवा. परंतु, आपल्याकडे या चित्रपटावरून वाद सुरु आहे”, असे अनुपम यांनी म्हटले आहे. ‘या चित्रपटात अनेक घटना या चुकीच्या पद्धतीने आणि अर्धवट मांडण्यात आल्या आहेत’, असा आरोप काँग्रेसकडून करण्यात आला आहे. तर काँग्रेस चित्रपटांच्या स्वातंत्र्यावरच प्रश्नचिन्ह उपस्थित करत असल्याचा आरोप भाजपकडून करण्यात आला आहे.
“या चित्रपटात मनमोहन सिंग यांची भूमिका साकारताना अभिनय नैसर्गिक वाटावा यासाठी मी अनेक पुस्तके वाचली. माझ्या चित्रपटसृष्टीतील ३५ वर्षांच्या करियरमध्ये आणि ५१५ चित्रपटांमधील हा सर्वात कठीण चित्रपट आहे. खरंतर हा चित्र ऑस्करसाठी जायला हवा. परंतु, या चित्रपटावरून वाद सुरु झाला आहे. आजपासून २५ वर्षांनंतर जेव्हा चित्रपटांचा इतिहास लिहिला जाईल तेव्हा या चित्रपटाचे नाव पहिले असेल”, असेही अनुपम खेर यांनी यावेळी म्हटले.
‘द अ‍ॅक्सिडेंटल प्राईम मिनिस्टर’ या चित्रपटाचा ट्रेलर लॉंच झाल्यानंतरच या चित्रपटावरून मोठा वाद निर्माण झाला आहे. हा चित्रपट सर्वप्रथम काँग्रेसच्या नेत्यांना दाखविण्यात यावा, अशी मागणी काँग्रेसकडून केली जात आहे. तसे झाले नाही तर काँग्रेस या चित्रपटाविरोधात न्यायालयात जाईल, असा इशारा देखील काँग्रेसकडून देण्यात आला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
