हैदराबाद | काँग्रेस आणि तेलुगू देसम (टीडीपी) हे दोन्ही खिसेकापणाऱ्यांच्या जमातीचे पक्ष असल्याची टीका मजलिस-ए-इत्तेहादुल मुस्लिमीनचे ( एआयएमआयएम) अध्यक्ष असादुद्दीन ओवेसी यांनी केली आहे. तेलंगणामध्ये होणाऱ्या विधानसभा निवडणुकीचा प्रचार शिगेला पोहोचला असताना सर्वच राजकीय पक्षांच्या नेत्यांकडून वैयक्तिक टीकेची पातळी गाठली आहे. ओवेसी यांनी हैदराबाद येथील प्रचार सभेत काँग्रेस आणि तेलुगू देसम पक्षावर हल्लाबोल केला आहे.
काँग्रेस अध्यक्ष राहुल गांधी यांच्या जानव्यावरून ओवेसी यांनी टीका केली आहे. ते म्हणाले की, युवकांना जेलमध्ये टाकण्यात आले. तेव्हा राहुल कोठे होते, चंदबाबू नायडू यांच्यामुळे अनेक जीव बर्बाद झाले, तेव्हा काँग्रेस मदतीला आली का? जानवेधारी हिंदू आला का? काँग्रेस आणि तेलुगू देसमही (टीडीपी) खिसेकापणाऱ्यांच्या जमात आहे. आमचे दुःख काय आहे, तुम्हाला काय कळणार, अशा शब्दात ओवेसींनी निशाणा साधला. हे दोन्ही पक्ष एआयएमआयएमला रोखू शकत नाहीत. शेरवानी घालून सगळ्यांना त्रास देत असल्याने या सर्व पक्षांना मी खटकत असल्याचे देखील यावेळी ओवेसी म्हणाले आहे.
तेलंगणामध्ये काँग्रेस-टीडीपी-सीपीआय आणि तेलंगणा जन समितीने प्रजाकुटमी म्हणजेच महाआघाडी केली आहे. तेलंगणाचे मुख्यमंत्री के. चंद्रशेखर राव तेलंगणा राष्ट्र समिती (टीआरएस) स्वबळावर मैदानात उतरली आहे. भाजपही स्वबळावर नशीब आजमावत आहे. तेलंगणामधील ११९ जागांसाठी सात डिसेंबरला मतदान होणार आहे. २०१४ मध्ये झालेल्या निवडणुकीत टीआरएसने ९० जागांवर विजय मिळवला होता. काँग्रेसला १३, एआयएमआयएमला ७, भाजपला ५ टीडीपीला ५, तर सीपीएमला १ जागा मिळाली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
