मुंबई | छगन भुजबळ समर्थक आमदार, खासदारांनी आज मनसे अध्यक्ष राज ठाकरे यांची आज भेट घेतली. गेल्या दोन वर्ष्यापासून भुजबळ यांच्यावर अन्याय सुरु आहे. सुडाचे राजकारण सुरु आहे, त्यांना जमीन मिळू नये यासाठी जाणीवपूर्वक प्रयत्न सुरु आहेत. आमचा विकास काराहृहात कोंडला गेलाय.

नाशिक जिल्ह्याकडे लक्ष देणारा नेता नाही, अशी तक्रार भुजबळ समर्थकांनी राज ठाकरे यांची भेट घेऊन केली. राज यांनी देखील भूजबळावर अन्याय झाल्याचे मान्य केले. यापुढे भुजबळ छोडो आंदोलन झाले पाहिजे असे राज यांनी यावेळी सांगितले. दरम्यान, राज यांना भेटण्यासाठी आमदार जयंत जाधव, आमदार नरहरी जिरवा, माजी आमदार शिरीष कोतवाल, माजी खासदार देविदास पिंगळे, दिलीप खैरे, बाळासाहेब कर्डक, राधाकृष्ण सोनावणे आदी हजार होते.छगन भुजबळ यांच्यावर महाराष्ट्र सदन घोटाळ्याबरोबरच बेहिशोबी मालमत्ता जमविल्याचा आरोप आहे. ईडीने त्यांच्यावर मनी लॉन्ड्रिंग कायद्यातील कलम 45 लावले होते. त्यामुळे त्यांना आत्तापर्यंत जामीन मिळालेला नाही.