बेगसुराई | जेएनयूच्या विद्यार्थी संघटनेचा माजी अध्यक्ष आणि विद्यार्थी नेता कन्हैया कुमार यांच्या विरोधात बिहारमधील बेगुसराई येथे बजरंग दलाकडून हत्येचा प्रयत्न आणि हिंसाचार केल्याचा गुन्हा दाखल करण्यात आला आहे. भगवानपूर येथील पोलिस ठाण्यात बजरंग दलाचे संयोजक शुभम भारद्वाज यांनी आयपीसी कलम ३०७ अंतर्गत हा गुन्हा दाखल करण्यात आला आहे. कन्हैया आणि बजरंग दल समर्थकांमध्ये काल (मंगळवार) रात्री मोठा वाद झाला होता.
भगवानपूरच्या दहिया गावाजवळ कन्हैया कुमार आपली सभा संपवून समर्थकांसह आले असताना तेथे बजरंग दलाचे कार्यकर्ते आणि त्यांच्यात मोठी हाणामारी झाली होती. कन्हैया कुमार आणि बजरंग दलाच्या समर्थकांमध्ये झालेल्या या वादादरम्यान कन्हैया कुमार यांच्या समर्थकांकडून बजरंग दलाचा कार्यकर्ता सानू यांच्यावर हल्ला करण्यात आला होता. त्यात सानूच्या डोक्याला मोठी दुखापत झाली होती.
या हाणामारीदरम्यान बजरंग दलाचे काही कार्यकर्ते जखमी असून कन्हैया कुमारच्या ताफ्यातील काही गाड्यांचे मोठे नुकसान झाले आहे. या प्रकरणी दोन्ही पक्षांनी एकमेकांच्या विरोधात गुन्हा दाखल केला आहे. बिहारमधील बेगुसराई लोकसभा मतदारसंघातून कन्हैया कुमार २०१९मध्ये आपली पहिली लोकसभा निवडणूक लढवण्याची शक्यता आहे. कन्हैय्या कुमार हे काँग्रेस, राजद आणि डाव्या संघटना या महाआघाडीचा उमेदवार असू शकतात. बिहारमधील बेगुलसराय या लोकसभा मतदारसंघात भाजपचे वर्चस्व लक्षणीय आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
