मुंबई | लोकसभा निवडणुकीच्या पार्श्वभूमीवर काँग्रेस-राष्ट्रवादीने महाराष्ट्रात महाआघाडीची मोर्चे बांधणीला सुरुवात केली होती. परंतु महाराष्ट्रात महाआघाडी होण्याची मोर्चे बांधणीला सुरुवात होताच त्याला सुरूंग लागल्याचे चित्र सध्या दिसत आहे. भारिप बहुजन महासंघाचे अध्यक्ष प्रकाश आंबेडकर यांच्यानंतर लोकतांत्रिक जनता दलाचे नेते कपिल पाटील यांनी महाआघाडीबाबत काँग्रेस-राष्ट्रवादीच्या भूमिकेवर प्रश्नचिन्ह उपस्थित केले. कोणत्याही मुद्दे आणि अजेंड्याची चर्चा न करता मित्रपक्षांना परस्पर तीन जागा दिल्याबद्दल पाटील यांनी खुले पत्र लिहून नाराजी व्यक्त केली.
पाटील यांनी काँग्रेस प्रदेशाध्यक्ष अशोक चव्हाण, राष्ट्रवादीचे नेते अजित पवार यांना खुले पत्र पाठवून नाराजी व्यक्त केली. प्रकाश आंबेडकर यांच्याशिवाय महाराष्ट्रात महाआघाडीला पूर्ण स्वरूप येऊ शकणार नाही. आंबेडकर, राजू शेट्टी यांना एक-एक जागा सोडली व अन्य पक्षांना विधानसभेत जागा सोडण्याचे आश्वासन दिले की आघाडी झाली, असे मानत असाल तर वास्तवापासून आपण खूप दूर आहोत, असे पाटील यांनी पत्रात म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
