मुंबई | भारिप बहुजन महासंघाचे अध्यक्ष प्रकाश आंबेडकरांना महाआघाडीत घेण्यासाठी काँग्रेस प्रयत्नशील करत आहे. या पार्श्वभुमीवर काँग्रेसने अकोला लोकसभा मतदारसंघात आंबेडकरांना पाठिंबा दिल्याची माहिती मिळाली आहे. आंबेडकरांना पाठिंबा देऊन राज्यभरात दलित मते मिळवण्याचा काँग्रेसचा प्रयत्न असल्याची माहिती सूत्रांकडून मिळाली आहे. परंतु अद्याप यावर प्रकाश आंबेडकर यांनी प्रतिक्रिया दिली नाही. लोकसभा निवडणुकीसाठी एमआयएमसोबत युती केलेल्या भारिप बहुजन महासंघाचे अध्यक्ष प्रकाश आंबेडकरांना काँग्रेसने अकोल्यात पाठिंबा दिल्याची माहिती मिळाली आहे.
आंबेडकरांनी लोकसभा निवडणुकीसाठी असदुद्दीन ओवैसींच्या एमआयएमसोबत हातमिळवणी केली आहे. यानंतरही काँग्रेसकडून आंबेडकरांना महाआघाडीत घेण्याचे प्रयत्न सुरू होते. परंतु, त्यांनी एमआयएमलादेखील महाआघाडीत घेण्याची अट घातली होती. ही अट काँग्रेसने अमान्य केली आहे. भाजपला सत्तेपासून रोखायचे असल्यास धर्मनिरपेक्ष मतांचे विभाजन टाळावे लागेल, असे राज्यातील काँग्रेस नेत्यांना वाटते. त्यामुळेच काँग्रेसकडून आंबेडकरांना अकोला लोकसभा मतदारसंघात पाठिंबा दिला जाण्याची शक्यता आहे.
राज्यातील महाआघाडीत प्रकाश आंबेडकरांचा प्रवेश व्हावा, यासाठी काँग्रेस-राष्ट्रवादी प्रयत्नशील आहेत. परंतु, त्यांच्या या प्रयत्नांबद्दल आंबेडकरांनी गेल्याच आठवड्यात शंका उपस्थित केली होती. आंबेडकर म्हटले की, काँग्रेस आणि राष्ट्रवादीकडून सुरू असलेला महाआघाडीचा प्रयत्न म्हणजे निव्वळ फार्स असल्याचे टीका केली होती. तसेच काँग्रेस आणि राष्ट्रवादी यांचे लोकसभेचे जागावाटप पूर्ण झाले आहे. त्यामुळे आम्हाला आघाडीत घेण्यासाठी त्यांच्याकडून सुरू असलेला प्रयत्न हा निव्वळ दिखावा असल्याचे आंबेडकर म्हणाले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
