पिंपरी । राष्ट्रवादीचे माजी आमदार, महापौर, पिंपरी-चिंचवड महापालिकेतील आजी-माजी नगरसेवक, नगरसेविका, माजी उपमुख्यमंत्री अजित पवार यांच्या उद्या (सोमवारी १ ऑक्टोबर)ला प्रमुख उपस्थितीत पदाधिकाऱ्यांची बैठक आयोजित करण्यात आली आहे. अशी माहिती राष्ट्रवादीचे शहराध्यक्ष संजोग वाघेरे यांनी दिली.
आकुर्डीतील हॉटेल ग्रॅण्ड एक्‍झॉटिका येथे दुपारी दुपारी चार वाजताच्या सुमारास पवार बैठक घेणार आहेत. या बैठकीला शहराध्यक्ष संजोग वाघेरे, माजी आमदार विलास लांडे, आण्णा बनसोडे, विरोधी पक्षनेते दत्ता साने, महिला अध्यक्षा वैशाली काळभोर यांच्यासह सर्व आजी-माजी नगरसेवक, नगरसेविका, पदाधिकारी उपस्थित राहणार आहेत. लोकसभा निवडणूक जवळ अाली असून पुढील रणनिती ठरविण्यासाठी आणि नगरसेवकांची मते जाणून घेण्यासाठी या बैठकीचे आयोजन केले आहे. पक्ष संघटनेबाबत पदाधिकाऱ्यांना पवार मार्गदर्शन करणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
