मुंबई | “ताडदेव मिल कंपाऊंड घोटाळ्यात गृहनिर्माण मंत्री प्रकाश महेता यांनी केलेल्या गैरव्यवहाराबाबत विरोधी पक्षाने सभागृहात केलेल्या आरोपांवर लोकयुक्तांनी शिक्कामोर्तब केला आहे. आता किमान जनाची नाही तर मनाची लाज ठेऊन मेहतांनी ताबडतोब राजीनामा द्यावा किंवा मुख्यमंत्र्यांनी तो घ्यावा”, अशी मागणी विधानपरिषदेचे विरोधी पक्षनेते धनंजय मुंडे यांनी केली आहे.
एमपी मिल कंपाउंड घोटाळ्यात गृहनिर्माण मंत्री प्रकाश मेहतांनी केलेला गैरव्यवहार आम्ही सभागृहात मांडला होता. मा. लोकयुक्तांनीही या घोटाळ्यावर शिक्कामोर्तब केले आहे. सतत क्लीन चिट देणाऱ्या मुख्यमंत्र्यांचे पितळ आता उघडे पडले. जनाची नाही, मनाची लाज ठेवा. मेहता साहेब राजीनामा द्या ! pic.twitter.com/Mk39cg2gip
— Dhananjay Munde (@dhananjay_munde) June 6, 2019
मेहतांचा राजीनामा घेतल्याशिवाय कामकाज चालू देणार नाही, असा इशारा देखील धनंजय मुंडे यांनी केला आहे. “इतकेच नव्हे तर मंत्री म्हणून त्यांनी आपली जबाबदारी निष्पक्षपणे पार पाडली नाही असा गंभीर आरोपही केला आहे. त्यामुळे सतत क्लीन चिट देणाऱ्या मुख्यमंत्र्यांचे पितळ उघडे पडले आहे”, असे म्हणत धनंजय मुंडे यांनी मुख्यमंत्र्यांवर निशाणा साधला आहे. “हे केवळ हिमनगाचे एक टोक असून भ्रष्टचाराचे थैमान घालणाऱ्या १६ मंत्र्यांच्या गैरकारभरातील सत्य हळूहळू बाहेर येईल”, असेही धनंजय मुंडे यावेळी म्हणाले.
मा. लोकायुक्तांनी म्हटले की मंत्री म्हणून मेहतांनी निष्पक्षपणे जबाबदारी पार पाडली नाही. अशा मंत्र्याचा राजीनामा घेतल्याशिवाय आम्ही सभागृह चालू देणार नाही. हा भ्रष्टाचार हिमनगाचे एक टोक आहे, भ्रष्टचाराचे थैमान घालणाऱ्या प्रत्येक मंत्र्यांच्या गैरकारभार आम्ही बाहेर काढू.
— Dhananjay Munde (@dhananjay_munde) June 6, 2019
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
