मुंबई | आगामी निवडणुकांनंतर राज्यात आणि केंद्रात सत्ता परिवर्तन होईल आणि आज ज्यांच्या हातात सत्ता आहे, ते सत्तेत राहणार नाहीत. देशात सत्तांतर होऊन नरेंद्र मोदींना पंतप्रधान पदावरून पायउतार व्हावे लागेल, असे भाकीत राष्ट्रवादी काँग्रेसचे सर्वेसर्वा शरद पवार यांनी वर्तविले आहे. एका वाहिनीवरील कार्यक्रमात बोलताना शरद पवार यांनी हे भाकीत केले आहे.
शरद पवार म्हणाले की, २००४ मध्ये ज्या प्रकारे कोणत्याही पक्षाला बहुमत मिळालं नव्हतं, तीच परिस्थिती २०१९ मध्ये असणार आहे. निवडणुकीनंतर सर्व पक्ष मनमोहन सिंग यांच्या समर्थनार्थ एकवटले होते आणि ते पंतप्रधान झाले. २००४ मध्ये जशी परिस्थिती होती, तशीच परिस्थिती २०१९ मध्ये कायम राहणार आहे. २०१९ मध्ये कोणत्याही पक्षाला बहुमत मिळणार नसल्याने त्रिशंकू लोकसभा अस्तित्वात येईल आणि पुढील पंतप्रधान ठरवण्यात माझी भूमिका महत्त्वाची असेल, असे त्यांनी यावेळी म्हटले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
