नवी दिल्ली | छत्तीसगडच्या मुख्यमंत्रीपदावर कोण विराजमान होणार हे अखेर निश्चित झाले आहे. गेल्या काही दिवसांपासून हे नाव गुलदस्त्यात असल्यामुळे कोण मुख्यमंत्री होणार या उत्सुकता दाटून राहिलेली होती. छत्तीसगडचे नवे मुख्यमंत्री भूपेश बागेल होणार असल्याचे निश्चित झाले आहे. छत्तीसगड विधानसभा निवडणुकीच्या निकालांच्या घोषणेनंतर काँग्रेसने सहाव्या दिवशी भूपेश बागेल यांचे नाव जाहीर केले आहे.
छत्तीसगड प्रदेश काँग्रेसचे अध्यक्ष भूपेश बागेल यांच्या नावावर रविवारी मुख्यमंत्री पदासाठी मोहर लावण्यात आली आहे. सोमवारी संध्याकाळी ४.३० वाजता बाघेल मुख्यमंत्री म्हणून शपथ घेतील. मुख्यमंत्री पदाच्या शर्यतीत बागेल व्यतिरिक्त सिंहदेव, साहू आणि चरण दास महंत हे देखील होते.
रविवारी दुपारी विधान परिषदेच्या बैठकीत बागेल यांच्या नावावर मोहर लावण्यात आली आहे. राज्यात १५ वर्षांनंतर पक्षाने दोन तृतीयांश बहुमत मिळविले आहे. छत्तीसगड विधानसभा निवडणुकीत ९० सदस्यांच्या विधानसभा निवडणुकीत काँग्रेसने ६८ जागा जिंकल्या आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
