मुंबई | राष्ट्रवादी काँग्रेसचे अध्यक्ष माजी केंद्रीयमंत्री शरद पवार यांनी आगामी निवडणुकीत प्रधानमंत्री नरेंद्र मोदी यांचे सरकार जाणार असल्याच्या व्यक्त केलेल्या मताशी आपण सहमत नसल्याचे सांगत सन २०१९ च्या सार्वत्रिक निवडणुकीत प्रधानमंत्री नरेंद्र मोदींच्या नेतृत्वातील राष्ट्रीय लोकशाही आघाडी ( एनडीए ) सरकारला जनता पुन्हा निवडून देईल असा विश्वास रिपब्लिकन पक्षाचे राष्ट्रीय अध्यक्ष केंद्रीय सामाजिक न्याय राज्यमंत्री रामदास आठवले यांनी आज व्यक्त केला.
देशाच्या विकासासाठी सबका साथ सबका विकास हे मोदींचे सूत्र योग्य ठरले असून त्यानुसार विकासासाठी पुन्हा जनता मोदींच्याच नेतृत्वातील एन डी ए सरकारला संधी देणार आहे. देशासमोर एन डी ए हाच समर्थ पर्याय आहे. विरोधकांच्या एकजुटीला फुटीचे ग्रहण लागले असून प्रधानमंत्री नरेंद्र मोदींच्याच नेतृत्वात देशाला स्थिर आणि विकसनशील सरकार मिळू शकते असा विश्वास रामदास आठवले यांनी व्यक्त केला आहे.
माजी पंतप्रधान दिवंगत अटल बिहारी वाजपेयी यांचे उत्तुंग व्यक्तीमत्व होते. त्यांचा वारसा प्रधानमंत्री नरेंद्र मोदी चालवीत असून लोकप्रिय सक्षम प्रधानमंत्री ते ठरले आहेत. काँग्रेस च्या नेतृत्वातील युपीए सरकारने जे निर्णय घेण्याची हिम्मत केली नाही ती हिम्मत मोदी सरकारने दाखविली आहे.पाकिस्तानचे कंबरडे मोडणारा सर्जिकल स्ट्राईक मोदी सरकारने केला आहे. महामानव डॉ बाबासाहेब आंबेडकरांच्या आंतरराष्ट्रीय स्मारकासाठी काँग्रेस ने इंदूमिल ची जमीन देण्यास टाळटाळ केली मात्र प्रधानममंत्री नरेंद्र मोदींनी त्वरित निर्णय घेऊन इंदूमिल ची जमीन स्माकासाठी हस्तांतरित केली.
महामानव डॉ बाबासाहेब आंबेडकर यांच्या स्मारकांचे पंचतीर्थ स्थळ विकसित करण्यात आली आहेत.दिल्लीतील २६ अलीपुर रोड निर्वाणभूमी स्मारक;नागपूरातील दीक्षाभूमी ; महू येथील जन्मभूमी ;मुंबईतील चैत्यभूमी इंदूमिल मधील स्मारक तसेच लंडन मधील हेन्री रोड वरील स्मारकांचा विकास करण्यात आला आहे.उज्वला योजना तसेच अनेक सामाजिक न्यायाच्या योजना मोदींच्या नेतृत्वात राबविण्यात आल्या आहेत. रस्ते विकसाचे अनेक प्रकल्प उभारले आहेत. अनेक लोकप्रिय निर्णय मोदी सरकारने घेतले असून आगामी निवडणुकीत जनता नरेंद्र मोदींच्या नेतृत्वातील सरकारला पुन्हा निवडुन देणार असल्याचा दृढ विश्वास रामदास आठवले यांनी व्यक्त केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
