पुणे | आगामी लोकसभा निवडणुकांसाठी काँग्रेस आणि राष्ट्रवादी काँग्रेसमध्ये आघाडीची बोलणी सुरु असताना राष्ट्रवादी काँग्रेसने पुण्याच्या लोकसभेच्या जागेचा हट्ट सोडल्याची माहिती सूत्रांकडून मिळाली आहे. कारण या जागेवरून राष्ट्रवादी काँग्रेस अध्यक्ष शरद पवार लोकसभा निवडणूक लढणार असल्याच्या चर्चा रंगल्या होत्या. परंतु खुद्द पवारांनी पुण्यातून उभे राहणार असे स्पष्ट केल्यावर या चर्चेला पूर्णविराम लागला. त्यामुळे सुरुवातीपासून काँग्रेसकडे असणारी ही जागा राखण्यात अखेर काँग्रेसला यश आले असले तरी या जागेसाठी नक्की कोण उमेदवार असणार याबाबत मात्र काँग्रेसने कोणताही निर्णय घेतलेला नाही.
काही महिन्यांपूर्वी राष्ट्रवादीचे नेते अजित पवार यांनी पुण्यातील कार्यक्रमात राष्ट्रवादीला पुण्याची लोकसभा लढवण्यात रस असल्याचा बॉम्ब टाकला आणि पुण्यातील आघाडीत एकप्रकारे भेग पडली. त्यावेळी काँग्रेसने परंतु कुठल्याही परिस्थितीत पुण्याची जागा सोडणार नसल्याचे सांगितले होते. तसेच सुरु असलेल्या आघाडीच्या जागा वाटप चर्चेत पुण्याची जागा राखण्यात काँग्रेसला यश आल्याचे समजते. अर्थात जागा राखली तरी जागा जिंकणे तितकेसे सोपे नसून भाजप विरोधात दमदार प्रतिस्पर्धी उमेदवार उभे करण्याचे काँग्रेससमोर आव्हान असणार आहे. सध्या तरी काँग्रेसमधून अनंत गाडगीळ यांनी निवडणूक लढवण्याची तयारी दाखवली असून आगामी काळात इतर नावेही पुढे येण्याची शक्यता
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
