भोपाळ | मध्य प्रदेशातील विधानसभा निवडणुकीच्या रणसंग्रामाला सुरुवात झाली आहे. मध्य प्रदेशमध्य गेल्या १५ वर्षपासून सत्तेत असलेल्या मुख्यमंत्री शिवराज सिंह चौहान यांचे मेव्हणे संजय सिंह मसानी यांनी काँग्रेसमध्ये प्रवेश करून चौहान यांना मोठा धक्का दिला आहे.
काँग्रेसचे माजी मंत्री आणि काँग्रेसचे प्रदेशाध्यक्ष कमलनाथ, प्रचार समितीचे प्रमुख ज्योतिरादित्य सिंधिया यांच्या उपस्थिती संजय सिंह यांनी काँग्रेसमध्ये प्रवेश केला. संजय सिंह यांच्या काँग्रेस प्रवेशामुळे मध्य प्रदेशात निवडणुकी चागंल्याच रंगात आल्या असल्याचे चित्र दिसून येत आहे. संजय यांनी भाजपवर घराणेशाही राजकारणाला प्रोत्साहन देत असल्याचा आरोप केला आहे.
राज्यात २८ नोव्हेंबर रोजी होणाऱ्या निवडणुकीसाठी भाजपने नुकतीच १७७ उमेदवारांची पहिली यादी जाहीर केली आहे. त्यानंतर लगेच भाजपला धक्का देत शिवराज सिंह चौहान यांचे मेव्हणे विरोधकांच्या गटा सामील झाले आहेत. त्यांच्या या निर्णयामुळे काही प्रमाणात राजकीय समीकरणे बदलण्याची शक्यता आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
