श्रीनगर | जम्मू काश्मीरमधील सोपोर जिल्ह्यात भारतीय लष्कर आणि दहशतवाद्यांमधील चकमकीमध्ये दोन दहशतवाद्यांचा खात्मा करण्यात आला आहे. गुरुवारी (१३ डिसेंबर) सकाळच्या सुमारास या दहशतवाद्यांचा कंठस्नान घालण्यात आले आहे. सध्या या परिसरातील इंटरनेट सेवा बंद करण्यात आली असून परिसरात शोधमोहीम सुरू आहे.

Baramulla: Two terrorists killed in the encounter that started between security forces & terrorists at Baratkalan-Gund Mohalla of Sopore yesterday. Operation underway. #JammuAndKashmir pic.twitter.com/woNE2Ng0B2

— ANI (@ANI) December 13, 2018

ब्राथ कला परिसरात बुधवारी (१२ डिसेंबर) सायंकाळपासून जवान आणि दहशतवाद्यांमध्ये चकमक सुरू झाली होती. भारतीय लष्कर, स्पेशल ऑपरेशन ग्रुप, जम्मू काश्मीर पोलीस आणि सीआरपीएफने दहशतवाद्यांविरोधात संयुक्त मोहीम राबवली.

परिसरातील एका घरामध्ये दहशतवादी लपून बसल्याची माहिती जवानांना मिळाली होती. जवान घटनास्थळी पोहोचल्यानंतर दहशतवाद्यांनी गोळीबार करण्यास सुरुवात केली. दोन्ही बाजूंनी गोळीबार सुरू होता. परंतु रात्री जवानांनी मोहीम थांबवली आणि आज सकाळी पुन्हा सुरू झालेल्या चकमकीदरम्यान दोन दहशतवाद्यांचा खात्मा करण्यात जवानांना यश आले.

Baramulla: Firing has stopped at Baratkalan-Gund Mohalla of Sopore where an encounter started between security forces & terrorists, yesterday. Search operation to start. #JammuAndKashmir (visuals deferred by unspecified time) pic.twitter.com/j2HIzQTN7Z

— ANI (@ANI) December 13, 2018

तसेच काश्मीर खोऱ्यात जवानांकडून वारंवार दहशतवाद्यांविरोधात मोहीम राबवली जात आहे. या वर्षात आतापर्यंत २३५ दहशतवाद्यांचा खात्मा करण्यात आला आहे. यामध्ये स्थानिक दहशतवाद्यांची संख्या अधिक होती.