मुंबई | शिवसेना पक्षप्रमुख उद्धव ठाकरे आज (२४ डिसेंबर) पंढरपूर दौऱ्यावर आहेत. उद्धव ठाकरे यांनी सहकुटुंब विठ्ठल-रखुमाईचे दर्शन घेतले आहे. यावेळी विठ्ठल रुक्मिणी मंदिर समितीतर्फे उद्धव ठाकरे रश्मी ठाकरे आणि आदित्य ठाकरे यांना तुळशीचा हार घालून सत्कार करण्यात आला आहे.या पार्श्वभूमीवर संपूर्ण पंढरपूर भगवेमय झाल्याचे चित्र पंढरपुरात पाहायला मिळत आहे. अयोध्या दौऱ्यानंतर उद्धव ठाकरे यांचा हा महत्वाचा दौरा मानला जात आहे. या सभेत उद्धव ठाकरे काय बोलणार याकडे सर्वांचे लक्ष लागले आहे.
पंढरपूरमध्ये उद्धव यांची सभाही सायंकाळी ४.३० वाजता होणार आहे. उद्धव ठाकरेंची महासभा आणि महाआरतीच्या पार्श्वभूमीवर चोख पोलीस बंदोबस्त ठेवण्यात आला आहे. नागरिकांनी कामाव्यतिरिक्त बाहेर पडू नये, असे आवाहन पोलीस अधीक्षक मनोज पाटील यांनी केले आहे. उद्धव ठाकरे पंढरपूरात दाखल झाल्यानंतर शिवसेना नेते आणि खासदार संजय राऊत , खासदार चंद्रकांत खैरे यांनी पंढरपुरात उद्धव ठाकरे यांचे स्वागत केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
