‘अमित शहा त्यांचे नाव कधी बदलणार ?’

हैदराबाद | ‘भाजप अध्यक्ष अमित शहा त्यांचे स्वत:चे नाव कधी बदलणार ?’, असा प्रश्न एमआयएमचे अध्यक्ष असदुद्दीन ओवेसी यांनी उपस्थित केला आहे. “शहा हा मूळ शब्द फारशी भाषेत आहे. देशातील अनेक शहरांची, जिल्ह्यांची नावे बदलण्यासाठी उत्सुक असणाऱ्या भाजपने आधी त्यांच्या अध्यक्षांचे नाव बदलावे, असे ज्येष्ठ इतिहासकार इरफान हबीब यांनी म्हटले होते. हबीब यांच्या या वक्तव्यानंतर ओवेसी यांनी अमित शहांवर टीका केली आहे. ‘उत्तर प्रदेशामधील अनेक शहरांची नावे बदलण्यात येत आहेत. शाह हा शब्द फारशी भाषेतून आला आहे. मग आता अमित शहा त्यांचे स्वत:चे नाव कधी बदलणार ?,’ असा प्रश्न ओवेसी यांनी उपस्थित केला आहे.