मुंबई | बीच वॉरियर्स या ग्रुपकडून गेल्या अनेक महिन्यापासून मुंबईतील चौपट्या स्वच्छ करण्याचा उपक्रम सुरु आहे. दादर हे मुंबई शहरातील प्रचंड गर्दीचे आणि मोक्याचे ठिकाण असल्यामुळे दिवसभरात दादरमध्ये लाखो लोक येतात. दादरमध्ये येणा-या प्रत्येकासाठी दादर चौपाटी हे प्रमुख पर्यटनाचे ठिकाण असल्याचे मानले जाते. पण या चौपाटीची अवस्था पाहता येथे घाणीचे साम्राज्य अधिक वाढलेले दिसते. त्यामुळे या चौपाटीच्या स्वच्छतेसाठी चिनू कवात्रा बीच वॉरियर्स या ग्रुपने पुढाकार घेतला असून खेळाच्या माध्यमातून येत्या रविवारी दादर चौपाटीवर स्वच्छता मोहीम राबविण्यात येणार आहे.
पंतप्रधान नरेंद्र मोदी यांच्या स्वच्छ भारत मोहिमेला देशभरात चांगला प्रतिसाद मिळत आहे. येत्या रविवारी क्रिकेट संघाचे माजी फलंदाज दादर चौपाटीच्या स्वच्छता मोहिमेत सहभागी होणार आहेत. भारतीय माजी फलंदाज विनोद कांबळी हा या मोहीमेचे सदिच्छादूत असणार आहेत. २ ऑक्टोबरला सकाळी ८:३० वाजता दादरच्या किर्ती महाविद्यालयापासून ही मोहीम सुरू करण्यात येणार आहे. ‘Let’s clean & play together’ या थिमखाली ही स्वच्छता होणार आहे. स्वच्छतेबरोबर चौपाटीवर बीच बॉलिंग, बीच क्रिकेट आणि रस्सीखेच असे खेळ देखील खेळले जाणार आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
