पुणे | पुण्यातील बालेवाडी क्रीडासंकुलात सुरू झालेल्या ५२ व्या आशियाई शरीरसौष्ठव स्पर्धेत ७५ किलो वजनी गटात भारताकडून मणिपूरच्या दिनेश सिंगने चमक दाखवली असून आंध्र प्रदेशच्या एन. रवीकुमारने त्याच गटात कांस्यपदक पटकावले आहे. इम्फाळमधील एका सामान्य शेतकऱ्याचा मुलगा दिनेशने आशियाई शरीरसौष्ठव स्पर्धेत भारताला पहिले सुवर्णपदक मिळवून दिले आहे. दिनेश सिंगला या विजेतेपदानंतर खूप आनंद झाला. त्याने त्याच्या विजयाचे श्रेय आपले मार्गदर्शक के. प्रदीपकुमार सिंग यांना दिले आहे. या गटात व्हिएतनामच्या ली गिआ हुए याने रौप्यपदक पटकावले आहे.
गेल्या वर्षी दक्षिण कोरियामध्ये झालेल्या स्पर्धेमध्ये दिनेशला रौप्यपदकावर समाधान मानावे लागले होते. त्यामुळे या स्पर्धेतील विजेतेपद पटकावल्यानंतर हे पदक संपूर्ण देशाला समर्पित करीत असल्याचे त्याने यावेळी सांगितले आहे. तर भारतासाठी ७५ किलोवरील गटातील निकाल निराशाजनक ठरला आहे. ठोकचोम ग्यानेंद्र आणि एल. हेनारी सरमा यांना अनुक्रमे चौथ्या आणि पाचव्या क्रमांकावर समाधान मानावे लागले आहे.
इराणच्या हमीद अहमदीने ७५ किलोवरील गटात सुवर्ण, उझबेकिस्तानच्या व्लादिमीर वॅलिनकिनने रौप्य तर इराकच्या अहमद अली हुसेनने कांस्यपदक पटकावले आहे. ४० ते ४९ वयोगटातील मास्टर्स गटातसूद्धा भारताच्या हाती निराशा आली आहे . तर ५० ते ६० या मास्टर्स गटात भारताच्या संजय आंबेरकर यांना रौप्य तर एस. श्रीनिवासन यांना कांस्यपदक मिळाले आहे. तसेच या गटात चीनच्या क्यू गुइक्विअन याने सुवर्णपदक पटकावले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
