राजस्थान | अजमेर आणि अलवर या दोन लोकसभेच्या जागेसाठी तर दुसरीकडे माडंलगड येथे विधानसभेच्या जागेसाठी सोमवारी फेरनिवडणुका घेण्यात आली. या मतदान केंद्रा बाहेर मोठ्या संख्येने नागरिकांनी घरातून बाहेर पडून आपला मतदानाचा हक्क बजावला. तर काँग्रेस आणि भाजपने या ठिकाणी दोन्ही पक्षाच्या वतीने आपली सत्ता येईल असा दावा करण्यात आला.

मिळालेल्या माहितीनुसार माडंलगड या विधानसभा क्षेत्रात ६२ टक्के मतदान झाले असून अजमेर आणि अलवर या लोकसभेच्या जागेसाठी ६० ते ६५ टक्के इतके मतदान झाल्याचे सांगितले जाते. काही मतदान केंद्रांमध्ये वोटिंग मशिनमध्ये गडबड झाल्यामुळे थोड्या वेळेसाठी मतदानावर परिणाम झाला होता. पण, सायंकाळी ७ वाजेपर्यंत या ठिकाणी मतदान सुरू असून निवडणूक आयोगाने मतदान केंद्रात कोणत्याही प्रकारचा गैरव्यवहाराची माहिती दिली नाही.

कैबिनेट मंत्री वासुदेव देवानानी यांनी काँग्रेसच्या कार्यकर्त्यांमध्ये धक्का बुकी झाल्याची घटनासमोर आली आहे. काँग्रेसच्या कार्यकर्त्यांनी मतदान केंद्रात घूसण्याचा प्रयत्न केला असून आचार संहितेचे उल्लंघन केल्याची तक्रार देवानानी यांनी निवडणूक आयोगाकडे गेली. ‘अलवर या लोकसभेच्या जागेवर काँग्रेसने कमकुवत उमेदवार उभा केल्यामुळे भाजपचा नक्की विजय होणार असल्याचे उमेदवार प्रत्याशी जसवंत यादव यांनी म्हटले.’या तिन्ही जागेच्या फेरनिवडणूक जिंकण्यासाठी दोन्ही पक्षांनी ही आपली प्रतिष्ठा पणाला लावली आहे. काँग्रेस आगामी निवडणुकीत कार्यकर्त्यांमध्ये जोश निर्माण करण्यासाठी ही निवडणूक जोमाने लढत आहे.

भ्रष्ट मंत्रीमंडळ, रुग्णवाहिनी घोटाळा, सरकारी जमिनीवर अतिक्रमण यासारख्या गोष्टीमुळे वसुंधरा सरकारच्या विरोधात विरोधी पक्षांनी रान पेटविले होते. या सर्व घटनांमुळे वसुंधरा सरकारवरील जनतेचा विश्वास हळूहळू कमी होताना दिसत आहे. काँग्रेसचे प्रदेशध्यक्ष सचिन पायलट यांच्या बदल जनतेत चांगली प्रतिमा उभी राहताना दिसत असून भाजपने काँग्रेस मुक्त अभियानमुळे देशात सत्ते आली होती. जर भाजपा सरकार सतत भ्रष्टाचार आणि घोटाळामुळे चर्चेत राहिली तर काँग्रेस पुढील काळात भाजपा मुक्त अभियान प्रारंभ करण्यास फार वेळ लागणार नाही.