मुंबई | ‘ठग ऑफ महाराष्ट्र’ आणि ‘ठगबाजीची चार वर्षे’ या पोस्टरद्वारे विरोधकांची सरकारवर टीका केली आहे. विधिमंडळाच्या हिवाळी अधिवेशानपूर्वी बैठकीनंतर होणाऱ्या पत्रकार परिषदेसाठी लावण्यात आलेले पोस्टर सर्वांचे लक्ष वेधी ठरले आहे. या पोस्टरमध्ये ठग्स ऑफ हिंदुस्थानच्या पार्श्वभुमीवर विरोधाकांनी ठग ऑफ महाराष्ट्र असे नाव देऊन हे पोस्टर लावले आहे. ठग्स ऑफ हिंदुस्तान या सिनेमात आमीर खानच्या जागी मुख्यमंत्री देवेंद्र फडणवीस आणि अभिताभ बच्चन यांच्या जागी शिवसेना पक्षप्रमुख उद्धव ठाकरे यांचे फोटो लावण्यात आले आहेत.या पोस्टरमधून विरोधकांनी सत्ताधाऱ्यांवर बोचरी टीका केली आहे.
तसेच सरकारने गेल्या चार वर्षांत केलेल्या ठगबाजीचा पाढाच वाचण्यात आला आहे. त्यामध्ये जनतेशी ठगबाजी, औद्योगिक ठगबाजी, भावनिक ठगबाजी, ग्राहकांशी ठगबाजी, शेतकऱ्यांशी ठगबाजी आणि बेरोजगारांशी ठगबाजी, अशे विविध उदाहरणे देऊन सरकारचे अपयश सांगण्याचा प्रयत्न केला आहे. दरम्यान, विरोधी पक्षनेते राधाकृष्ण विखे पाटील यांच्या शासकीय निवासस्थानी सुरू असलेल्या विरोधी पक्षाच्या गटनेत्यांच्या बैठकीला विखे पाटील, धनंजय मुंडे, पृथ्वीराज चव्हाण, अजितदादा पवार, राष्ट्रवादीचे प्रदेशाध्यक्ष जयंत पाटील, गणपतराव देशमुख, शेकापचे जयंत पाटील, अबू आसिम आझमी, बसवराज पाटील, हेमंत टकले, जिवा पांडू गावीत, कपिल पाटील, भाई जगताप, जितेंद्र आव्हाड, विद्याताई चव्हाण आदी नेते उपस्थित आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
