नवी मुंबई । सरकारने राज्यावर अडीच लाख कोटींचे कर्ज थोपवले आहे”, अशी टीका माजी उपमुख्यमंत्री अजित पवार यांनी भाजप सरकारवर केली आहे. “भाजपने २०१४च्या निवडणुकांमध्ये अनेक आश्वासन दिली. परंतु ती आश्वासन पाळली गेली नाहीत. भाजपने जनतेचा विश्वासघात केला आहे, असा टोला देखील पवारांनी यावेळी लगावला. वाशीतील विष्णुदास भावे नाट्यगृहात कोकण विभाग राष्ट्रवादी युवक काँग्रेसच्या मेळाव्यात अजित पवार बोलत होते.
“सरकारची प्रशासनावर पकड नाही. शेतकऱ्यांचे कर्ज माफ करण्याचे आश्वासन दिले होते, परंतु ते देखील कमी केली नाही. राज्यात दुष्काळजन्य परिस्तिथी ओढवली आहे. तरीही दुष्काळ घोषित केला जात नाही. नोटा बंदीमुळे प्राप्त झालेल्या काळ्या पैश्याचा हिशेब अजून केंद्रीय अर्थमंत्री आणि आरबीआयचे गव्हर्नर यांनी दिला नाही. शिवाजी महाराजांच्या स्मारकाची उंची कमी करण्याचे प्रयत्न सुरु आहे”,असा आरोप देखील पवारांनी यावेळी राज्याचे मुख्यमंत्री देवेंद्र फडणवीस यांच्यावर लावला.
पवार असेही म्हंटले की, “भाजप पक्षाचेच अनेक ज्येष्ठ नेते नाराज आहेत”. राज्यात सुमारे अडीच लाख जागा रिक्त आहेत. ‘राष्ट्रवादीचे सरकार आल्यास तरुणांना रोजगार प्राप्त करुन दिला जाईल. एका ही जागा रिक्त ठेवण्यात येणार नाही’. असे आश्वासन पवारांनी यावेळी उपस्थितांना आले. या मेळाव्यामध्ये अजित पवार यांचा मुलगा पार्थ पवार सुद्धा उपस्थित होता. पार्थ याची उपस्थिती हा चर्चेचा बनला होता. पार्थच्या राजकारणातील पुढील वाटचाली बद्दल विचारले असता,’पक्षश्रेष्ठी निर्णय घेतील’ असे पवार यांनी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
