पंढरपूर | मराठा समाजाच्या आरक्षणाचा मुद्द्यावर राज्य सरकारने कोणताच निर्णय न घेतल्यामुळे मराठा समाजाने आक्रमक पवित्रा घेत मुख्यमंत्र्यांना आषाढी एकादशीची पूजा न करू देण्याचा निर्णय घेतला आहे. मराठा क्रांती मोर्चाच्या राज्याव्यापी बैठकीत सोमवारी येथील श्रीराम मंगल कार्यालयात पार पडली. यावेळी त्यांनी हा निर्णय घेतला आहे.
मराठा समाजाने राज्यभरात ५८ विशाल मोर्चे काढले, तरी सुद्धा सरकार आमची दखल घेत नसल्याचा आरोप या मराठा समाजाने या बैठकीत घेतला आहे. ‘आरक्षणाचा निर्णय होईपर्यंत मुख्यमंत्र्यांना आषाढीची महापूजा करू देणार नसल्याचे,’ मराठा क्रांती मोर्चाचे राज्य समन्वयक राजाभाऊ गायकवाड यांनी सांगितले.
यावेळी संभाजी ब्रिगेड, मराठा सेवा संघ, मराठा महासंघ, छावा अशा संघटनांसह सर्वच पक्षातील मराठा समाजाचे प्रतिनिधी मोठ्या संख्येने उपस्थित होते. तसेच, कोपर्डी घडनेतील अत्याचारित मुलीचे वडील बबन सुद्रीक, विवेकानंद बाबर, महेश डोंगरे, मिलिंद भोसले आदी उपस्थित होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
