नागपूर | स्वाभिमानी शेतकरी संघटनेने सोमवारपासून दूध आंदोलन सुरू केले आहे. या दूध आंदोलनाचे पडसाद संपूर्ण महाराष्ट्रभरच नव्हे तर, पावसाळी अधिवेशनात देखील पडताना दिसत आहे. आता सरकार दुधाला भाव देण्यासाठी रिलायन्सची दूध डेअरी आणि पतंजलीचे दूध येण्याची वाट पाहते का? असा सवाल विधानपरिषद विरोधी पक्षनेते धनंजय मुंडे यांनी केला आहे.
सरकारच्या चुकीच्या धोरणांमुळे शेतकऱ्यांवर ही वेळ आली असल्याची टीका देखील धनंजय मुंडे यांनी केली आहे. समाधानकारक पाऊस पडत आहे. तर शेतकरी शेतातील कामे करण्याऐवजी शेतकऱ्यांवर भरपावसात रस्त्यावर दूध ओतून आंदोलन करण्याची वेळी सरकारने आणली आहे. प्रत्येकवेळी रस्त्यावर उतरल्याशिवाय शेतकऱ्यांना न्याय मिळणारच नाही का ?, हे जणू सरकारने धोरण ठरवले आहे काय ?, असा सवाल धनंजय मुंडे यांनी उपस्थित केला आहे.
राज्य सरकारने २६ जून २०१७ रोजी गाईच्या दुधाला २७ रुपये आणि म्हशीच्या दुधाला ३६ रुपये भाव जाहीर केला होता. परंतु शेतकऱ्यांना केवळ १७ रुपये भाव मिळत आहे. यामुळे गतवर्षापासून शेतकरी प्रतिलिटर मागे १० रुपयांची फसवणूक सरकार करत असल्याची जाणीव शेतकऱ्यांना झाली आहे. या आंदोलन केल्यानंतर सरकार केवळ आश्वासन देते, असे देखील मुंडे यांनी सांगितले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
