बीड | ‘सरकारला मराठा आरक्षणाचा प्रश्न ओबीसी आणि मराठा समाजात चिघळत ठेवायचा आहे. दोन्ही समाजात भांडणे लावायची आहेत’, असा गंभीर आरोप विनायक मेटे यांनी केला आहे. तसंच, ‘मराठा उपसमितीच्या अध्यक्षपदावरून अशोक चव्हाण यांना बाजूला करा’, अशी मागणीही मेटे यांनी केली आहे. बीडमध्ये पत्रकारांशी बोलत असताना विनायक मेटे यांनी राज्य सरकार आणि काँग्रेसचे नेते अशोक चव्हाण यांच्यावर सडकून टीका केली आहे.
मराठा आरक्षणाबद्दल राज्य सरकारच्या उदासीन धोरणामुळे महाराष्ट्रात खळबळ माजली आहे. नोकर भरती, मेघा भरती रखडली आहे. राज्य सरकारच्या मराठा आरक्षणाबाबतच्या हलगर्जीपणाच्या धोरणाविरुद्ध ७ नोव्हेंबरला मशाल मार्च काढण्यात येणार आहे. तो बांद्रा येथील मुख्यमंत्री उद्धव ठाकरे यांचे निवासस्थान असलेल्या ‘मातोश्री’ पर्यंत हा मशाल मार्च काढण्यात येणार आहे, असं विनायक मेटे यांनी सांगितले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
