मुंबई । राज्यातील कोरोनाबाधितांचा आकडा पुन्हा एकदा ६५ हजारांच्या पार गेला आहे. राज्याचे आरोग्यमंत्री राजेश टोपे यांनी दिलेल्या माहितीनुसार, राज्यात आज 67 हजार 160 नव्या कोरोनाबाधीत रुग्णांची वाढ झाली आहे. तर दिलासादायक बाब अशी की याच एका दिवसात नवीन 63 हजार 818 रुग्ण कोरोनामुक्त झाले आहेत.
राज्यात आज 67160 कोरोना बाधीत रुग्णांची वाढ झाली व आज नवीन 63818 कोरोना बाधित रुग्ण बरे झाले आहेत.एकूण 3468610 रुग्ण बरे होऊन दवाखान्यातून घरी पाठविण्यात आले आहेत.राज्यात एकूण 694480 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 82.02% झाले आहे.#MeechMazaRakshak
— Rajesh Tope (@rajeshtope11) April 24, 2021
राज्यात आतापर्यंत एकूण 34 लाख 68 हजार 610 रुग्ण कोरोनामुक्त होऊन दवाखान्यातून घरी पाठविण्यात आले आहेत. तर सद्यस्थितीत राज्यात एकूण 6 लाख 94 हजार 480 ऍक्टिव्ह रुग्ण आहेत. दरम्यान, राज्यातील रुग्ण बरे होण्याचे प्रमाण आता 82.02% झाले आहे.
१८ वर्षावरील नागरिकांना महाराष्ट्र दिनी मोफत लसीचं गिफ्ट
राज्याचे उपमुख्यमंत्री तथा पुण्याचे पालकमंत्री अजित पवार यांनी आज आढवा बैठक घेतली. यात महाराष्ट्रातील लसीकरण आणि ऑक्सिजनसह इतर वैद्यकीय सामग्रीच्या पुरवठ्याविषयी महत्त्वाची माहिती दिलीय. तसेच महाराष्ट्रातील १८ वर्षावरील नागरिकांना महाराष्ट्र दिनी मोफत लसीचं गिफ्ट मिळणार असल्याचे संकेत पवारांनी दिले आहे. याशिवाय कोरोना लसीकरणासाठी ग्लोबल टेंडर काढणार असल्याचंही ते म्हणाले आहेत.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
