अहमदनगर | भाजपचे आमदार शिवाजी कर्डिले यांना १६ एप्रिलपर्यंत न्यायालयीन कोठडी सुनावण्यात आली आहे. पोलीस अधीक्षक कार्यालयाच्या तोडफोडी प्रकरणी शिवाजी कर्डिले यांना अटक करण्यात आली होती. शिवाजी कर्डिक यांची शुक्रवारी पोलीस कोठडीची मुदत संपल्याने त्यांना न्यायालयात हजर करण्यात आले.
या प्रकरणात कर्डिक आणि त्यांच्या कार्यकर्त्यांनी पोलीस अधीक्षक कार्यालयावर दगडफेक करुन, कार्यालयाचे लाकडी दरवाजे तोडून सार्वजनिक मालमत्तेचे नुकसान करुन अनधिकृरित्या कार्यलायत प्रवेश केला. पोलीस अधिकारी आणि महिला पोलीस कर्मचारी यांना शिवीगाळ केली होती.
या प्रकरणात पोलिसांनी शिवाजी कर्डिले यांच्यासह त्यांच्या कार्यकर्त्यांना अटक केले होते. न्यायालयाने शिवाजी कर्डिले यांच्यासह काशिनाथ बबन शिंदे, मयुर कटारिया, सिद्धार्थ शेलार व संजू दिवटे यांच्याही पोलीस कोठडी १६ एप्रिलपर्यंत वाढ करण्यात आली आहे.
शिवसेना पदाधिकारी हत्या प्रकरण
अहमदनगर जिल्ह्यातील केडगाव येथे शिवसेनेच्या दोन पदाधिकाऱ्यांच्या हत्या झाल्यानंतर आमदार शिवाजी कार्डिले यांच्यासह कार्यकर्त्यांनी पोलीस अधीक्षक यांच्या कार्यलयाची तोडफोड केली होती. त्यामुळे केडगाव पोलिसांनी शिवाजी कार्डिले आणि त्यांच्या कार्यकर्त्यांवर गुन्हे दाखल करण्यात आले होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
