HW News Marathi
महाराष्ट्र

महाराष्ट्रात अघोषित लोडशेडिंग !

मुंबई | राज्यात सुरु असलेल्या अघोषित लोडशेडिंगबाबत आज (११ ऑक्टोबर)ला राष्ट्रवादी काँग्रेस पक्षाचे राष्ट्रीय प्रवक्ते नवाब मलिक यांनी पत्रकार परिषदेमध्ये भाजपचा खरपूस समाचार घेतला आहे. तसेच मलिक यांनी राज्याचे ऊर्जामंत्री बावनकुळे आणि ऊर्जा खात्यातील चार कंपन्यांचे सल्लागार असलेले विश्वास पाठक यांनी महाराष्ट्राचे वाटोळे केले असल्याचा आरोप त्यांनी केला आहे. त्यामुळे त्यांची तात्काळ हकालपट्टी करण्यात यावी अशी मागणी नवाब मलिक यांनी यावेळी केली.

महाराष्ट्राच्या वाटेला आलेला कोळसा निवडणुका असलेल्या राजस्थान, मध्यप्रदेश, छत्तीसगड या तीन राज्यांना देण्यात आला आहे. त्यामुळे राज्याला वीज टंचाईला सामोरे जावे लागत असल्याचा आरोप नवाब मलिक यांनी केला आहे. या तीन राज्यांचे हित बघायचे आणि महाराष्ट्राला अडचणीत आणायचा भाजपचा डाव असल्याचे त्यांनी म्हटले आहे.

सरकारची अघोषित लोडशेडिंग सुरू

तसेच नवाब मलिक यांनी राज्यात अघोषित लोडशेडिंग सुरू असल्याचे सांगतानाच राज्यात ११-१२ तास लोकांना वीज मिळत नाही आहे. सरकारला वीजेची कमतरता भासत होती तर त्यांनी जनतेला लोडशेडिंगबाबात जाहीरपणे माहिती देणे किंवा कार्यक्रम जाहीर करणे आवश्यक होते. ती जबाबदारी सरकारची होती मात्र सरकारने तसे न करत अघोषित लोडशेडिंग जाहीर केली आहे. आज राज्यात ऊर्जा विभागाने काल जी इंटरनल नोट तयार केली आहे. त्या नोटमध्ये स्पष्टपणे सांगण्यात आले आहे की,२० टक्क्यांनी डिमांड वाढली होती. आणि एकंदरीत ३ हजार मेगावॅटचा तुटवडा होता. तर त्यापध्दतीची नोट जाहीर करायला हवी होती. राज्यातील जिल्हयात किती तास वीज नाही, याची घोषणा केली पाहिजे होती. त्यामुळे जनतेला स्वत:चे नियोजन करता येवू शकते. परंतु सरकार ही माहिती लपवून ठेवत आहे. त्यांना जनतेला माहिती दयायची नाही जनतेला अडचणीत आणायचे आहे असेही नवाब मलिक म्हणाले.

Dear Readers,
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.

Related posts

‘वेळ आली तर शिवसेना भवन फोडू’, या विधानाला संजय राऊतांचं प्रत्युत्तर!

News Desk

‘ये नयन डरे डरे…’ अमृता फडणवीसचं नवं गाणं प्रेक्षकांना व्हॅलेंटाईन गिफ्ट!

News Desk

गृहनिर्माणाची कामे त्वरीत पूर्ण करा – मुख्यमंत्री देवेंद्र फडणवीस

News Desk