मुंबई | ध्वनीप्रदूषणाविषयी विशेषत: शांतता क्षेत्रात ध्वनीक्षेपक लावण्यास बंदी घालण्याच्या आदेशावर सर्वोच्च न्यायालयानेही शिक्कामोर्तब केले आहे. मुंबईत शांतता क्षेत्र वर्गीकृत करण्यात आली आहेत. या शांतता क्षेत्रामध्ये रूग्णालये, शैक्षणिक संस्था, धर्मस्थळ तसेच न्यायालये यांचा समावेश आहे.
शांतता क्षेत्रे ही २४ तास म्हणजेच दिवस – रात्रीसाठी शांतता क्षेत्र घोषित केले असल्याने या क्षेत्रामध्ये ध्वनीक्षेपक (लाऊडस्पिकर), संगीत वाद्य, फटाके इत्यादी वाजविण्यास संपूर्णपणे बंदी आहे. शांतता क्षेत्र वगळून इतर ठिकाणी आवश्यक परवाना घेवून सकाळी ६ ते रात्री १० वाजेपर्यंत ध्वनिक्षेपक, संगीत वाद्य यांचा वापर आवाजाची ठरविण्यात आलेल्या पातळीच्या उल्लंघनाशिवाय करता येणार आहे.
कायद्यानुसार आवाजाची मर्यादा औद्योगिक क्षेत्रात दिवसा ७५ डेसिबल व रात्री ७० डेसिबल, विपणन क्षेत्रात दिवसा ६५ व रात्री ५५ डेसिबल, रहिवासी क्षेत्रात दिवसा ५५ व रात्री ४५ डेसिबल आणि शांतता क्षेत्रात ५० डेसिबल व रात्री ४० डेसिबल अशी ठरविण्यात आली आहे. या नियमांचे उल्लंघन होत असल्यास नागरिकांनी मुख्य नियंत्रण कक्षातील १०० क्रमांक तसेच ७७३८१४४१४४ / ७७३८१३३१३३ या क्रमांकावर एसएमएस व्दारे तक्रार करण्याचे आवाहन पोलीसांनी केले आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
