ठाणे | ठाण्याच्या इंदिरानगरची झोपडपट्टी सध्या लोकांना आकर्षित करताना दिसून येत आहे. या झोपडपट्टीला रंगरंगोटी केल्यामुळे तीचे रुप पालटले आहे. झोपटपट्टीचे बदललेले रुप पाहून राज्याचे सार्वजनिक बांधकाममंत्री तथा ठाणे जिल्ह्याचे पालकमंत्री एकनाथ शिंदेही भारावून गेले.
महापालिका आयुक्त संजीव जयस्वाल यांच्यासह शिंदेंनीही हातात ब्रश घेवून चक्क भिंती रंगविण्यास सुरूवात केली. आकर्षित करणा-या या भिंती पाहून या उपक्रमाचे पालकमंत्र्यांनी भरभरुन कौतुक केले. दरम्यान खासदार राजन विचारे आणि आमदार प्रताप सरनाईक यांनीही या उपक्रमास भेट देवून या अनोख्या उपक्रमाला शुभेच्छा दिल्या.
ठाणे महानगरपालिका आणि मिसाल मुंबई या स्वंयसेवी संस्थेच्या माध्यमातून इंदिरानगर झोपडपट्टीमधील झोपड्यांना विविध रंगात रंगविण्याचे काम सुरू आहे.फक्त दोन दिवसात त्या झोपड्यांना वेगळे रूप प्राप्त झाले आहे. पूर्वीचे डोळ्यांना चकवा देणारे झोपडपट्टीचे रूप आणि डोळ्यांना सुखावणारे चित्र पाहून निश्चितपणे झोपडपट्ट्चे रूप पालटल्याचे जाणवते.
या उपक्रमाचे कौतुक करण्यासाठी राज्याचे सार्वजनिक बांधकाम(सार्वजनिक उपक्रम) मंत्री तथा ठाणे जिल्ह्याचे पालकमंत्री एकनाथ शिंदे यांनी इंदिरानगर झोपडपट्टीस भेट दिली. त्यांनी इंदिरानगरचे पालटलेले रूप पाहून महापालिका आयुक्त संजीव जयस्वाल आणि मिसाल मुंबई या संस्थेच्या प्रमुख रूबल नागी यांचे तोंडभरून कौतुक केले. यावेळी त्यांनी केवळ रंगरंगोटीच नाही तर इथल्या नागरिकांमध्ये आरोग्य, शिक्षण, स्वच्छता, परिसर साफसफाई याविषयी जनजागृती करण्यात येणार आहे याबद्दलही त्यांनी समाधान व्यक्त केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
