सकाळी कामकाज सुरू झाल्यापासून लोकसभेत विरोधकांचा गोंधळ सुरू होता. कामकाज सुरू होताच काँग्रेसने गोहत्येच्या नावाखाली जमावाकडून होत असलेल्या हत्यांच्या मुद्द्यावर स्थगन प्रस्तावाची नोटीस दिली. संसदीय कार्यमंत्री अनंतकुमार यांनी संपूर्ण देश गायीला माता मानतो. पण गोरक्षणाच्या नावाखाली कोणाची गुंडगिरी सहन केली जाणार नसल्याचे स्पष्ट केले. पण यावर विरोधकांचे समाधान झाले नाही. त्यातच काँग्रेसने बोफोर्स तोफांवर घोषणाबाजी करत सभागृहात गोंधळ घालण्यास सुरूवात केली. त्यामुळे लोकसभेचे कामकाज २ वाजेपर्यंत स्थगित करण्यात आले होते.
दुपारी कामकाज सुरू होताच काँग्रेसचे खासदार गोगाई, के.सुरेश, चौधरी, रणजित रंजन, देव आणि राघवन हे आक्रमक होत. अध्यक्षांच्या आसनाजवळ आले. त्यांनी सरकारविरोधात घोषणा देण्यास सुरूवात केली. लोकसभा अध्यक्ष त्यांना शांत राहण्याचे आवाहन करत होते. त्याचदरम्यान या खासदारांनी हातातील कागद लोकसभा अध्यक्षांच्या दिशेने भिरकावले. सभागृहाच्या कामकाजात व्यत्यय आणल्याप्रकरणी महाजन यांनी या खासदारांना ५ दिवसांसाठी निलंबित केले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
