श्रीनगर | काश्मीर पोलिसांनी सोमवारी(३ डिसेंबर) मोठी कारवाई करत दक्षिण काश्मिरातील दोन भागात लपलेल्या ‘जैश-ए-मोहम्मद’ या संघटनेच्या १० दहशतवाद्यांना अटक केले आहे. पुलवामा जिल्ह्यातील त्राल आणि पंपोर भागातून या १० जणांना पकडण्यात आले.
#JammuAndKashmir Police: Police in south Kashmir busted 2 terror modules of proscribed terror outfit Jaish-e-Mohammed and arrested 10 of its associates in Tral area of Awantipora and Khrew area of Pampore.
— ANI (@ANI) December 3, 2018
काश्मीर खोर्‍यात विध्वंसक कारवाया करण्याचा मोठ्या घातपाताचा कट रचण्यात आला होता, तो या दहशतवाद्यांच्या अटकेनंतर उघडकीस आला, असे पोलिसांकडून माहिती मिळाली आहे. दहशतवाद्यांकडून हस्तगत करण्यात आलेल्या शस्त्रसाठ्यात जिलेटिन कांड्या, डिटोनेटर, आयईडी बनविण्याचे साहित्य आणि ग्रेनेडचा समावेश आहे.
त्रालमध्ये पकडण्यात आलेल्या दहशतवाद्यांची नावे युनिस नबी मलिक (पिंगलिश), फैयाज अहमद वानी (रेशीपोरा), रियाज अहमद गनई (नगीनपोरा) आणि बिलाल अहमद राथर (नगीनपोरा) अशी आहेत. पंपोरमध्ये पकडलेल्या दहशतवाद्यांमध्ये जावेद अहमद पर्रे (वबपोरा ख्रियू), यासिर बशीर वानी (वबपोरा), ताहिर युसूफ लोन (ख्रियू), रफिक अहमद बट (शारशाली), जावेद अहमद खांडे (ख्रियू) आणि इमरान अहमद नजार (ख्रियू) यांचा समावेश आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
