सांगली – कडेगाव येथील वांगीमध्ये ट्रॅक्टर आणि क्रुझर जीप या दोन वाहनांमध्ये भीषण अपघात झाला. या अपघातात ६ पैलवानांचा जागीच मृत्यू झाला असून ५ जण गंभीर जखमी झाले आहेत. ही दुर्घटना मध्यरात्री साडेबाराच्या सुमारास घडल्याची माहिती मिळली आहे.

या जीपमधून एकूण ११ जण प्रवास करत होते. हे पैलवान साताऱ्यातील औंध येथे कुस्ती स्पर्धा खेळून घरी परतताना ही घटना घडली. यात आकाश देसाई, विजय पाटील, सौरभ माने आणि शुभम घारगे असे मृत पैलवानांची नावे आहेत.

या अपघातात क्रुझर जीपचा चक्काचूर झालेले दिसून येत आहे. पैलवानांना घेऊन जाणारी जीप भरधाव वेगाने समोरच्या ट्रॅक्टरवर जाऊन आदळल्याने या अपघातातची तीव्रता मोठी असल्याचे सांगितले जाते.