इस्लामाबाद । पाकिस्तानचे माजी पंतप्रधान नवाज शरीफ, मुलगी मरियम नवाज आणि जावई मोहम्मद यांना इस्‍लमाबाद हायकोर्टाकडून दिलासा मिळाला आहे. इस्लामाबाद हायकोर्टाने नवाज या तिघांच्याही शिक्षेवर स्थगिती आणली असून त्यांची सुटकादेखील करण्यात आली आहे. पाकिस्तानचे माजी पंतप्रधान नवाज शरीफ आणि त्यांच्या कुटुंबियांवर भ्रष्टाचाराचा आरोप करण्यात आला होता.
इस्लामाबाद हायकोर्टाच्या खंडपीठाचे न्यायाधीश अतहर मिनाल्लाह आणि न्या. हसन औरंगजेब यांनी हा निर्णय दिला. शरीफ यांच्या कुटुबीयांचे लंडनमध्ये 4 लक्झरी फ्लॅट आहेत, असा आरोप त्यांच्यावर ठेवण्यात आला होता. हे तिघेही या आरोपाखाली शिक्षा भोगत होते. मात्र आता इस्लामाबाद हायकोर्टाकडून त्यांच्या शिक्षेवर स्थगिती आणली गेली असून त्यांची सुटका करण्यात आली आहे.
पाकिस्तानातील सर्वसाधारण निवडणुकांपूर्वी शरीफ यांनी आपल्या मुलीसह पोलिसांसमोर शरणागती पत्करली. त्यावेळी, नवाज शरीफ यांना 10 वर्षांची, मरयम यांना 7 वर्षांची शिक्षा ठोठावण्यात आली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
