मुंबई | महाराष्ट्र विद्या प्राधिकरणामार्फत सध्या शिक्षकांची प्रशिक्षण शिबिरे सुरु आहेत. बुधवार १८ एप्रिल २०१८ रोजी अक्षयतृतीया हा साडेतीन मुहुर्तांपैकी एक असलेला मुहूर्त आल्यामुळे शिक्षकांचे प्रशिक्षण शिबीर त्या दिवशी रद्द करण्यात यावे अशी मागणी शिक्षक आमदार कपील पाटील यांनी माध्यमिक व उच्च माध्यमिक शिक्षण संचालक पुणे यांच्याकडे पत्राद्वारे केली होती.
महाराष्ट्रात अक्षयतृतीया हा साडेतीन मुहूर्तांपैकी एक शुभमुहूर्त मानला जातो. त्या दिवशी अनेक लोक महत्वाची खरेदी तसेच लग्न सोहळे अशा अत्यंत महत्वाच्या शुभ प्रसंगांचे आयोजन करतात. १ मे महाराष्ट्र दिन सुट्टी असून देखील शिक्षकांना शाळेत यावे लागते. अक्षयतृतीयेला विद्यार्थ्यांना सुट्टी असते ही बाब लक्षात घेता बुधवार १८ एप्रिल २०१८ रोजीचे प्रशिक्षण शिबीर रद्द करावे तसेच राज्यातील सर्व प्राथमिक माध्यमिक उच्च माध्यमिक शाळामंधील शिक्षक, शिक्षकेतरांना अक्षय तृतीयेची विषेश रजा मंजूर करावी अशी विनंती आमदार कपील पाटील यांनी पत्राद्वारे शिक्षण संचालकांना केली.
आमदार कपील पाटील यांच्या पत्राची दखल घेत महाराष्ट्र विद्या प्राधिकरण उपसंचालकांनी सध्या सुरु असलेल्या शिक्षकांच्या प्रशिक्षण शिबीराला अक्षय तृतीयेदिवशी सुट्टी देण्याचा निर्णय घेतला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
