नवी दिल्ली | राष्ट्रवादीच्या खासदार सुप्रिया सुळे यांनी संसदेत सुरूअसलेल्या तिहेरी तलाकच्या विधेयकाच्या चर्चेत सहभागी झाल्या असून या विधेयकावर आपले परखड मत देखील मांडले आहे. यावेळी सुप्रिया यांनी तिहेरी तलाकबरोबरच संसदेतील महिलांच्या आरक्षणाच्या मुद्द्यालाही हात घातला आहे. ‘तिहेरी तलाक’पेक्षा केंद्राने महिला आरक्षणाला मंजुरी द्यावी, समाजातील चित्र नक्की बदलेल, असे मत सुप्रिया सुळे व्यक्त केले आहे.
पुढे सुप्रिया सुळे म्हणाल्या की, महिलांच्या सामर्थ्याला कमी लेखू नका, तिहेरी तलाकच्या विधेयकाला विरोध नाही, परंतु केंद्र सरकारच्या पद्धतीला विरोध आहे. महिला आरक्षणालाही केंद्राने मंजुरी द्यावी. सामाजिक बदल हा झालाच पाहिजे. काय चुकीचे आणि काय बरोबर ही येणारी पिढी ठरवेल, असेही सुप्रिया सुळे म्हणाल्या आहे.
तिहेरी तलाक मुद्द्यावरुन टीका करताना काँग्रेस खासदार सुष्मिता देव यांनी सत्ताधारी भाजपवर निशाणा साधला आहे. देव म्हणाल्या की, तिहेरी तलाक विधेयकामुळे मुस्लीम महिलांना काहीच मिळणार नाही. याऊलट मुस्लीम पुरुषांना गुन्ह्यात शिक्षा मिळणार आहे, असे सांगत सुष्मिता देव यांनी गुजरातमधील महिलेचे उदाहरण दिले. ‘गुजरातमधील एखाद्या महिलेने पतीने सोडल्याप्रकरणी हायकोर्ट किंवा सुप्रीम कोर्टात याचिका दाखल केल्यास त्याच्याविरोधातही गुन्हा दाखल करणार का?’, असा सवाल त्यांनी विचारला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
