मुंबई । सरकारने मंत्रिमंडळाच्या विस्तारावर वाढविण्यावर सध्या चर्चा सुरू आहे. या मंत्रिमंडळात कोण कोणत्या मंत्र्यांची वर्णी लागणार याकडे सर्वाचे लक्ष लागेल आहे. या मंत्रिमंडळात सामील होण्यासाठी भाजपच्या काही नेत्यांच्या नावाची यादी मध्ये पाठविण्यात आली आहे. तर परंतु आरपीआय पक्षातून अविनाश महातेकर नाव पुढे येत आहे.
तर शिवसेनेकडून कोणतीही यादी तयार करण्यात आलेली नाही. परंतु त्यात कोणाची निवड करायची हा पेच शिवसेना पक्षप्रमुख उद्धव ठाकरे यांच्यासमोर उभा राहिला आहे. त्यामुळे मंत्रिमंडळाचा विस्तार दसऱ्यानंतर करावा अशी मागणी शिवसेनेने केली आहे. शिवसेनेच्या मंत्रिमंडळाचा विस्तार करण्यासाठी एक किंवा दोन जणांच्या नावाचा समावेश होणार आहे.
शिवसेनेमध्ये नाराजीचा सुर
शिवसेनेच्या काही विद्यमान मंत्र्यांविरोधात शिवसेनेच्या आमदारांमध्ये नाराजी आहे. विधानसभा निवडणुका जिंकणार्‍या आमदारांना मंत्रीपद देण्याऐवजी विधानपरिषदेवर असलेल्या नेत्यांना कॅबीनेट मंत्रीपदे देण्यात आल्याने शिवसेनेत खदखद आहे. या मंत्र्यांच्या कामाविषयी आमदारांनी उध्दव ठाकरे यांच्याकडे नाराजीही बोलून दाखविली आहे. मात्र, शिवसेनेच्या या ज्येष्ठ नेत्यांना मंत्रीपदावरुन हटविणे कठीण आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
