बीड | ‘अजित पवार यांनी बीडमध्ये येऊन दाखवावे. आज त्यांचा पुतळा जाळला जेव्हा अजित पवार येतील तेव्हा त्यांच्यासह त्यांच्या गाड्यांचा ताफा जाळू,’ अशी धमकी शिवसेना जिल्हाप्रमुख कुंडलिक खांडे यांनी दिली आहे. अजित पवार यांनी उद्धव ठाकरेंवर केलेल्या टीकेचा निषेध केला आहे. शिवसेना कार्यकर्त्यांनी अजित पवारांच्या पुतळा जाळला आहे.
‘ज्यांना अद्याप आपल्या वडिलांचे स्मारक बांधता आले नाही, ते राम मंदिर काय बांधणार ?’ असा खोचक सवाल विचारत अजित पवार यांनी उद्धव ठाकरे यांच्यावर टीका केली होती. शिवसेनेचे मुखपत्र असलेल्या सामानाच्या अग्रलेखातून अजित पवार यांच्यावर वादग्रस्त टीका करण्यात आली होती. त्यानंतर अजित पवार यांनी देखील उद्धव ठाकरे यांच्यावर टीका करण्यात आली होती. सामनाचे संपादक संजय राऊत यांच्या विरोधात पुण्यात आंदोलन करण्यात आले होते. सामानाच्या अंक जाळण्यात आले होते.
दरम्यान, त्यानंतर पुन्हा ‘शिवसेना सत्तेत आहे की विरोधी पक्षात हे त्यांच्या नेत्यालाही गेल्या साडेचार वर्षात कळलेले नाही. शिवसेनेची अवस्था बावचळल्यासारखी झाली आहे, अशा शब्दातया अजित पवार यांनी टीका केली होती. यामुळेच बीडमध्ये शिवसेनेच्या कार्यकर्त्यांनी अजित पवार यांच्या पुतळा जाळून त्यांच्या वक्तव्याचा निषेध केला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
