पुणे | पुण्यातील जुना बाजार येथील शाहीर अमर शेख चौकातील एक मोठे लोखंडी होर्डिंग आज (शुक्रवारी) दुपारी दीडच्या सुमारास कोसळले आहे. या अपघात दोन जणांचा मृत्यू झाला असून आठ ते नऊ जण जखमी झाले आहेत. त्याचप्रमाणे या अपघातात रस्त्यावरील वाहनांचेही मोठ्या प्रमाणात नुकसान झाले आहे. शिवाजीनगर रेल्वे स्थानकाजवळ असलेले हे लोखंडी होर्डिंग तुटून रस्त्यावरील वाहनांवर पडले आहे. त्यामुळे यात सात ते आठ वाहनांचे नुकसान झाले.
2 persons dead and 9 injured in the unfortunate incident. Enquiry ordered: Railway on flex banner beside railway station of Pune's Shivaji Nagar collapsed on vehicles moving on road. #Maharashtra https://t.co/05itCaI1Za
— ANI (@ANI) October 5, 2018
पुण्याच्या शाहीर अमर शेख चौकात अनेक मोठमोठे होर्डिंग लावण्यात आले आहेत. यातीलच एक मोठे होर्डिंग दुपारी कोसळले आहे. या अपघातात दोन जणांचा घटनास्थळीच दुर्दैवी मृत्यू झाला आहे. तर या अपघातातील जखमींना तातडीने ससून रुग्णालयात दाखल करण्यात आले आहे. अग्निशमन दल आणि पोलिसांचे पथक अपघातास्थळी पोहोचले असून या घटनेत काही वाहनांचा चुराडा झाल्याची माहिती मिळत आहे. हे होर्डिंग कोसळल्यामुळे शाहीर अमर शेख चौकातील वाहतूक खोळंबली होती.
पुण्यात होर्डिंग कोसळून झालेल्या दुर्घटनेनंतर आता आरोप-प्रत्यारोप सुरुवात झाली आहे. रेल्वेला महापालिकेने सदर होर्डिंग काढण्यासाठी २०१३ पासून वारंवार पत्र दिले होते. मात्र कोणतीही कार्यवाही करण्यात आली नाही, असा आरोप महानगरपालिकेने केला आहे. हे होर्डिंग कोणत्या कंपनीचे होते यासंदर्भात कोणतीही माहिती अद्याप समजू शकलेली नाही. या अपघातामुळे झालेल्या वाहतूक कोंडीमुळे या मार्गावरील वाहतूक वळवण्यात आली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
