ताडदेव आरटीओ कँटीनमध्ये आग 

मुंबई | ताडदेव आरटीओला या पुर्वी तीन वेळा आगी लागल्याची घटना घडली होती. २०१५ मध्ये दोन वेळेस तर गेल्या रविवारी मोठी आग लागली होती. आरटीओ कँटीन मधील शेगडीचा भडका उडाल्याने आग लागल्याची घटना शुक्रवारी दुपारी पावणेतीनच्या सुमारास घडली.

आरटीओ अधिकारी आणि कँटीन मधील कर्मचारी कार्यालयात बसविलेल्या अग्निशमन यंत्राने आग विझविण्यात यश आले. कँटीन सुरू असताना एका शेगडीचा भडका उडाल्यामुळे कँटीनमधील वस्तुंनी पेट घेतला. १२ अग्निशमन यंत्रांच्या मदतीने आग विझविण्याचा प्रयत्न सुरू असून सद्यस्थितीत कोणतीही जीवितहानी झालेली नसल्याची माहिती समोर येत आहे. गॅस लिकेजमुळे आग लागली असल्याचे कँटीनमधील कर्मचाऱ्यांचे म्हणणे आहे.