मुंबई | यंदा महाराष्ट्रात तीव्र दुष्काळ पडला असून महाराष्ट्रातील अनेक जिल्हे राज्य सरकारने दुष्काळग्रस्त जाहीर केले आहे. या दुष्काळाच्या झळा राज्यातील विद्यार्थ्यांनाही मोठ्या प्रमाणात सोसाव्या लागत आहे. ही परीस्थिती लक्षात घेता महाराष्ट्रातील जवळपास ७६ तालुक्यातील महसुली मंडळातील विद्यार्थ्यांना एसटी महामंडळाकडून एसटीचा सवलत पास मोफत देण्यात येणार आहे. यांसंदर्भातील घोषणा राज्य परिवन मंत्री आणि एसटी महामंडळाचे अध्यक्ष दिवाकर रावते यांनी शनिवारी(२९ डिसेंबर) केली. पुर्वी दुष्काळग्रस्त जाहीर झालेल्या तालुक्यातील विद्यार्थ्यांना आधीच ही योजना लागू करण्यात आली आहे. आता महसुली मंडळातील विद्यार्थ्यांना १ जानेवारी २०१९ पासून या योजनेचा लाभ घेता येणार आहे.
अत्यंत कमी झालेल्या पावसीमुळे शेतकरी सध्या प्रचंड अडचणीत आहे. ग्रामीण भागातील इतर लोकही दुष्काळसदृष्य परिस्थितीमुळे अनेक अडचणींचा सामना करीत आहे. शेतकरी आणि ग्रामीण भागातील लोक हे एसटीचे बहुतांश प्रवासी असल्याने एकप्रकारे ते एसटीचे अन्नदातेच आहेत .सध्या शेतकऱ्याच्या आणि ग्रामीण भागीतल लोकांच्या अडचणीच्या काळात त्यांना मदत करणे हे एसटीचेही कर्तव्य असल्याचे मानून त्यांच्या शाळा,महाविद्यालयात शिकणाऱ्या मुलांना दिलासा देण्याचा निर्णय एसटी महामंडळाने घेतला आहे. त्यानुसार उर्वरीत शैक्षणिक वर्षासाठी विद्यार्थी मासिक पासमध्ये १०० टक्के सवलत देण्यात येत असल्याचे रावते यांनी सांगितले. शालेय, महाविद्यालयीन आणि व्यावसायिक शिक्षण घेणाऱ्या विद्यार्थ्यांना देण्यात येणाऱ्या मासिक पाससाठी सध्या ६६.६७ टक्के इतकी सवलत देण्यात येते. शासनाने दुष्काळग्रस्त म्हणून जाहीर केलेल्या तालुक्यातील विद्यार्थ्यांना उर्वरीत शैक्षणिक वर्षासाठी १०० टक्के इतकी सवलत देण्यात येणार आहे. राज्यातील साधारण ४२ लाख ३ हजार विद्यार्थ्यांना या सवलत योजनेचा सध्या लाभ मिळणार आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
