मुंबई | राज्याचे अतिरिक्त पोलीस महासंचालक आणि माजी एटीएस प्रमुख हिमांशू रॉय यांनी आपल्या दीर्घ आजाराला कंटाळून आत्महत्या केल्याची बातमी समोर आली आहे. कॅन्सर या आपल्या दुर्धर आजाराला कंटाळून त्यांनी स्वतःवर गोळी झाडून घेतली. त्यानंतर त्यांना तातडीने बॉम्बे रूग्णालयात दाखल करण्यात आले.
मात्र तिथे त्यांना मृत घोषित करण्यात आले. सह पोलीस आयुक्त म्हणून त्यांची कामगिरी वाखाणण्याजोगी होती. दोन वर्षांपूर्वी त्यांना कॅन्सर अर्थात कर्करोगाने ग्रासले. त्यातून ते बरे होत होते मात्र नैराश्यातून त्यांनी आत्महत्या केल्याचे समजते आहे.
डॅशिंग आयपीएस अधिकारी म्हणून हिमांशू रॉय ओळखले जात होते. गेल्या काही काळापासून त्यांना कॅन्सरने ग्रासले होते. या आजाराला कंटाळूनच त्यांनी आत्महत्या केली असावी, असा प्राथमिक अंदाज व्यक्त केला जात आहे.
हिमांशू रॉय हे १९८८च्या बॅचचे आयपीएस अधिकारी होते. १९९५ मध्ये नाशिकमधील ग्रामीण पोलीस अधीक्षक, अहमदनगर पोलीस अधीक्षक, नाशिकचे आर्थिक गुन्हे विभागातील उपायुक्त, २००९ साली मुंबईत पोलीस सहआयुक्त, सायबर सेल, दहशतवादविरोधी पथकाचे (एटीएस) अशी अनेक पदे त्यांनी सांभाळले आहेत. तसेच महाराष्ट्र अतिरिक्त पोलीस महासंचालक पद सांभाळत होते.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
