पुणे – येथील एका नराधम प्राध्यापकाने गुरु- शिष्याच्या नात्याला काळीमा फासणारे कृत्य केले आहे. शिक्षणासाठी इराणमधून पुण्यात आलेल्या एका विद्यार्थीनीकडे त्याने थेट शरीरसुखाची मागणी केली. याबाबत कोथरूड पोलीस ठाण्यात गुन्हा नोंदविण्यात आला आहे. मात्र अद्याप प्राध्यापकाला अटक करण्यात आलेली नाही.
पुण्यातील पौड रस्त्यावरील एका नामांकित महाविद्यालयात इराण देशातून एका विद्यार्थिनी पीएचडीप्रवेशासाठी आली होती. मंगळवार दुपारी साडेबारा ते दीड वाजण्याच्या सुमारास ती प्रवेशाबाबत महाविद्यालयाचे प्राध्यापक शिवाजी बोऱ्हाडे याला भेटली. मात्र बोऱ्हाडेने प्रवेश देण्यासाठी शारीरिक सुखाची मागणी केल्याचे तिने पोलिसात केलेल्या तक्रारीत म्हटले आहे.
या वेळी घाबरलेल्या तरुणीने याबाबत इराणमधील पालकांना कळवले. पालकांनी केलेल्या सूचनेनुसारतिने कोथरूड पोलीस स्टेशन गाठत घडल्या प्रकाराबाबत पोलिसांना अवगत करत, तक्रार दिली आहे. प्राध्यापक शिवाजी बोऱ्हाडेविरोधात कोथरूड पोलिसांनी विनयभंगाचा गुन्हा दाखल केलेला आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
