नवी दिल्ली | माजी अर्थमंत्री आणि काँग्रेसचे ज्येष्ठ नेते पी. चिदंबरम यांना आयएनएक्स मीडिया गैरव्यवहारप्रकरणी सीबीआयने चौकशीला सामोरे जावे लागणार आहे. येत्या ६ जून रोजी चिदंबरम यांची सीबीआय चौकशी होणार आहे. त्यामुळे काँग्रेस पक्षाच्या अडचणीत वाढ होण्याची शक्यता वर्तवण्यात येत आहे.
या प्रकरणी न्यायालयाने पी. चिदंबरम यांना अटक करण्यास ३ जुलैपर्यंत स्थगिती दिली आहे. परंतु चिदंबरम यांना सीबीआयने ६ जून रोजी चौकशीला सामोरे जावे लागणार आहे. एअरसेल-मॅक्सिसचा ३ हजार ५०० कोटींचा व्यवहार आणि आयएनएक्स मीडिया प्रकरणातील ३०५ कोटी रुपयांच्या व्यवहारांची चौकशी करताना त्यात चिदंबरम यांचा सहभाग तपास यंत्रणांना आढळून आला आहे.
संयुक्त पुरोगामी आघाडी सरकारमध्ये (युपीए-1) म्हणजे ‘संपुआ’च्या पहिल्या कार्यकाळात चिदंबरम यांच्या अर्थमंत्रिपदाच्या कारकीर्दीत सदर कंपन्यांना त्यांनी लाभ पोहोचविल्याचा संशय व्यक्त करण्यात आला आहे. आयएनएक्स मीडियाप्रकरणी गेल्या वर्षी १५ मे रोजी सीबीआयने एफआयआर नोंदवण्यात आली होती.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
