सातारा | खासदार उदयनराजे भोसले यांनी त्यांच्या कार्यकर्त्यांना शाही सिमोल्लंघनाची तयारी करण्याची सूचना केली आहे. “सातारच्या जनतेचा मला खंभीर पाठिंबा आहे. आता वेळ सिमोल्लंघनाची आहे, त्याची तयारी करा,” असे उदयनराजेंनी त्यांच्या कार्यकर्त्यांना उद्देशून म्हटले आहे.
खासदार उदयनराजे भोसले यांच्या प्रमुख उपस्थितीत जलमंदिर पॅलेस येथे सातारा विकास आघाडीची बैठक पार पडली होती. या बैठकीत जिल्हा परिषद, पंचायत समिती, पालिका, ग्रामपंचायतीचे सर्व पदाधिकारी आणि सदस्य उपस्थित होते. यावेळी कार्यकर्त्यांनी शाही सिमोल्लंघानाचा आग्रह धरला होता. त्यावेळी उदयनराजेंनीही ‘मी आहेच, तुम्हीही या’ असे म्हणत कार्यकर्त्यांना शाही सिमोल्लंघनाचे निमंत्रण दिले आहे.
या शाही सिमोल्लंघनाच्या माध्यमातून उदयनराजे भोसले राजकीय नेत्यांपुढे शक्तिप्रदर्शन करण्याच्या प्रयत्नात आहेत, असे म्हटले जात आहे. आगामी सार्वत्रिक निवडणुकांच्या पार्श्वभूमीवर खासदार उदयनराजे भोसले यांच्या उमेदवारीवर राजकीय वर्तुळाचे बारीक लक्ष आहे. आता उदयनराजेंनी कार्यकर्त्यांना केलेल्या सीमोल्लंघनाच्या सूचनेनंतर याबाबत मोठी चर्चा रंगली आहे.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
