नवी दिल्ली । राष्ट्रीय स्वयंम सेवक संघाचे सरसंघचालक मोहन भागवत यांनी दसऱ्याला झालेल्या सभेमध्ये राम मंदिरासाठी कायदा तयार अशी मागणी केली होती.परंतु या मुद्द्यावर भाजपा नेत्यांनी मौन धारण केले आहे. न्यायालयाच्या निर्णयानुसार किंवा कायद्याद्वारे राम मंदिर व्हावे, अशी भाजपाची भूमिका आहे. त्यासाठी उत्तर प्रदेशचे मुख्यमंत्री योगी आदित्यनाथ प्रयत्न करत आहेत. परंतु मुस्लीम पर्सनल लॉ बोर्डाने न्यायालयीन निर्णय येण्यावर भर दिला आहे. त्यामुळे सरकार न्यायालयीन निर्णयाची वाट पाहत आहे.संघप्रमुखांच्या मागणीवर भाजपाच्या कोअर समितीच्या बैठकीत विचार होणार आहे. सहा ज्येष्ठ सदस्यांची समावेश असलेल्या समितीची बैठक लवकरच होणार आहे. न्यायालयीन निर्णयाची वाट पाहावी, असा पक्षाचा दृष्टिकोन असला तरी सरसंघचालकांच्या सूचनेचाही योग्य सन्मान करण्यात येईल, असे एका नेत्याने सांगितले.
मोहन भागवत यांनी दसऱ्याच्या सभेमध्ये नेमके काय म्हटले
राम मंदिरसाठी कायदा करा असा ही प्रस्ताव त्यांनी मांडला. भागवत म्हणाले की,देशातील कोणताही पक्ष १०० टक्के सर्वोत्तम नाही. परंतु जो बरा आहे त्यांना निवडा ,राष्ट्रहिताचा विचार करणाऱ्या पक्षाचा विचार करा. असे बोलत असताना, भागवत यांचा कल भाजपाकडे होता. जनतेने १०० टक्के मतदान करायला पाहिजे. देशाचे नेतृत्व कोणी करावे प्रत्येकाने ठरवावे . ‘नोटा’चा उपयोग करू नये. त्यामुळे अपात्र उमेदवाराला त्याचा फायदा होतो, असे ही भागवत म्हणाले. पक्षीय आणि जाती-पातीच्या राजकारणापासून स्वयंम संघ नेहमीच लांब आहे. उमेदवाराची राष्ट्रीय प्रेम, राष्ट्र भक्ती, राष्ट्रीय एकात्मता पाहूनच उमेदवाराला मतदान करा, भागवत यांनी यावेळी सांगितले.
As an independent media platform, we do not take advertisements from governments and corporate houses. It is you, our readers, who have supported us on our journey to do honest and unbiased journalism. Please contribute, so that we can continue to do the same in future.
